Chapter 44
Hailey Sophia Medrano
MAGKATABI kaming nakaupo ni Mara sa backseat ng sasakyan habang papalapit kami sa Coliseum. Kahit nasa loob pa lang kami ng kotse, kitang-kita na agad ang dami ng tao sa labas. Parang may malaking festival na ginaganap. Traffic sa paligid, may mga grupo ng fans na naglalakad papunta sa entrance, at halos lahat ay may suot na merch ng banda ni Brayden.
Hindi ko maiwasang mapangiti habang pinagmamasdan ang mga iyon sa bintana. Hindi ko maipaliwanag ang excitement na nararamdaman ko ngayon.
“Grabe… ang daming tao,” sabi ni Mara habang nakasilip din sa labas.
Tumango lang ako. Pero ang totoo, hindi lang dahil sa dami ng tao kaya mabilis ang t***k ng puso ko.
Kanina lang… bago kami umalis ng condo… may nangyari sa amin ni Brayden. Napakagat ako sa ibabang
