CHAPTER 58
Chapter 58: Mergia Mayeese NAGISING ako sa ingay ng isang batang umiiyak at kahit maliit pa ang boses nito ay talaga namang magigising ka. Kahit mahimbing pa ang tulog mo. Hindi rin naman puwede na magtulog-tulugan ka at hindi mo siya papansinin dahil ikaw lang ang matatakot sa kanya. Dahan-dahan akong nagmulat ng mga mata ko at tiningnan ko ang katabi kong nakahiga sa bed. Napangiti na lamang ako dahil ang baby ko lang pala ang umiiyak at gumising sa Mommy niyang natutulog pa. Hindi pa rin ako sanay na magigising ako sa kalagitnaan nang gabi dahil lang sa maliit na nilalang na ito. Parang isa pa ring panaginip sa akin ang lahat ng ito. Nagising din si Ruthy at sinilip niya ang baby na katabi ko. “Gutom na naman yata siya,” sabi niya na tinanguan ko. Inayos ko ang pagkakahiga ko at ma
- Writer
