Chapter 14
ANG lakas ng padyak ng mga paa ni Helena nang makapasok siya sa bahay. Hindi niya makalimutan ang pagkakahila niya sa buhok ni Juan Miguel kaya para tuloy siyang unggoy kanina. Mabuti na lang at hindi iyon nagalit.
"Kakainis," marahas na kinamot niya ang ulo kasabay ng pagbulong.
Noon lang niya napansin ang ninang Ofel niya at si Elijah, nagtatanong na kaagad ang mga mata sa kanya.
Pormal siyang lumapit at nagmano sa ninang niya.
"Natanggap na raw ni Minda ang pera, anak," anito sa kanya.
"Kumusta raw po si Mama, ninang?" Kunwari ay hindi siya kabado sa mga maaari nitong itanong sa kanya. Hindi biro ang 150 thousand na ipinadala niya kay Minda. Hindi iyon napupulot o nauutang nang basta-basta lang.
"Ooperahan na raw bukas ang Mama mo. Ipanatag mo ang loob mo dahil may mal
