PAHIGA na ako ng marinig ko ang mahihinang katok. Tumungo naman ako sa pintuan upang buksan iyon.
"Mom?"
"Anak.."
Nagtaka ako ng mapansin kong para bang nababahala ang mukha nito.
"May problema po ba, mom?"
Kinuha nito ang kamay ko at inakay ako papasok sa loob ng kuwarto ko.
"Anak, nabanggit ko sa kakambal mo ang tungkol sa kasal niyong dalawa ni Alex."
Gulat akong napatitig sa ina.
"Nadulas lang ako, anak. Sa sobrang excite ko sa kasal niyo ni Alex, hindi ko na naalala na wala pa palang nalalaman ang kakambal mo."
Hindi ako makakibo. Ngunit ramdam ko ang kaba sa dibdib ko.
"Pero huwag kang mag-alala, anak. Tuwang-tuwa pa nga ng malaman niyang nagmamahalan na pala kayong dalawa ni Alex. Nabanggit niya rin sa 'kin na matagal na niyang kinalimutan si Alex. Kaya wala na tayong da
