MULA sa pagkakatulala, isang buntong hininga ang pinakawalan ko. Hanggang sa naisipan ko nang bumangon mula sa pagkakahiga.
Tatlong araw ng nasa America ang asawa ko. Dahil sa business conference nito doon.
Kailangan ko pang tapusin ang isang Linggo bago ko masilayan ang asawa. Pakiramdam ko nga, napakatagal ng oras.
Hindi na ako makapaghintay na muling makita't makasama ang asawa. Pero wala naman akong magawa at alam kong ito ang obligasyon nito sa trabaho lalo na't isa itong CEO.
Pagkatapos kong maligo, akmang lalabas ako upang mag-almusal ng tumunog ang cellphone ko.
Kaagad ko iyon dinampot.
Naglaho ang ngiti sa labi ko ng makita ang pangalan ng kakambal. Kahit wala ako sa mood upang tingnan kung anong mensahe nito, naisipan ko pa ring buksan.
Ngunit para akong binuhusan ng main
