“HERSHEY, give me your car keys. Ako na ang magda-drive,” sabi ni Kisses as she offered her hand to him.
Naglalakad na sila malapit sa parking lot ng Hacienda Canilao.
“No, ako ang magda-drive,” pagtanggi nito.
“Walang tiwala sa driving skills ko? Hindi ko ibabangga ang kotse mo, promise!” hirit niya.
He chuckled. “Hindi sa gano’n. Hindi ko lang talaga pinagda-drive ang babae.”
“’Wag ka nang magpa-macho. Kanina ko pang napapansin na hinihilot mo ang wrist mo. You also looked exhausted. Pagod ka na tapos sinalo mo pa ako sa kamiserablehan ko. Let me handle the driving, okay?”
Napakamot ito sa batok. “Fine.”
Huminto sila sa harap ng kotse nito: isang Bentayga Bronze na Bentley Continental GT V8 convertible.
“Susi, please!” muling hirit ni Kisses.
Iniabot nito sa kanya ang car
