“Get me everything about Kevin Llamanzares.”
May urgency sa kanyang boses habang nagbibigay ng utos sa private investigator na h-in-ire niya noong araw na narinig niya mismo ang kagustuhan ni Tito Preston na ipaglapit ito at si Rebecca. Mas matanda siya ng ilang taon kay Kevin. May mga pagkakataong nasa iisang lugar sila pero ni hindi sila nabigyan ng tsansa na maging malapit sa isa’t-isa. Isa pa, pareho silang namalagi sa ibang bansa. Kaya, gusto niyang malaman ang lahat-lahat tungkol sa Llamanzares na ito at ngayon nga ay hawak na niya ang lahat ng impormasyon nais niyang malaman.
Pinaglaru-laro niya mga daliri sa ilalim ng kanyang baba. He couldn’t even fix his mind on his laptop habang hinihintay ang pagbubukas ng PDF file. Ilang segundo pa lang ang nakalipas pero naiinip na siya.
