Pagkalabas ni Drioz ay pabagsak akong bumalik sa pagkakaupo.
Nakasimangot akong nakatingin sa nilabasan nitong pintuan.
Gusto kong magduda kung anak ba talaga ni Don Lario ang Drioz na iyon. Ang sama kasi ng ugali, sarap ilagay sa isa sa mga banga ko tapos takpan!
May asawa na kaya iyon? Ang tanging alam ko ay may nag-iisang anak si Don Lario Vraganza pero wala na akong ibang impormasyon tungkol dito.
Hindi ko nga alam na gano'n kagwapo ang isang iyon. Malas lang dahil masama ang ugali at hindi man lang naambunan ng konting kabaitan no'ng tatay.
Pinasya kong lumabas na lang ng opisina ni Don Lario upang magtanong-tanong kung nasaan iyong magiging silid ko.
Pagkalabas ko ay parang gusto ko ulit bumalik sa loob dahil pakiramdam ko ay maliligaw ako sa laki nitong bahay. Kailangan ko yat
