Habang nandito ako sa sala ay abala silang lahat sa kusina. Para silang riot doon dahil sobrang iingay nila. Naririnig ko pa si Manang na tawa ng tawa, lahat naman sila tawa lang ng tawa. Napapangiti tuloy ako kasi kanina pag gising ko sobrang tahimik, tapos ngayon ang ingay na.
Si Daddy hindi pa umuuwi dahil sa sobrang busy niya sa negosyo. Ilang araw na rin siyang hindi umuuwi.
“Huy! Ang tahimik mo diyan?” tanong ni Jessa sa akin at ngumiti ako.
“Masaya lang, hindi ko rin inaasahan na bibisitahin niyo ako ngayon.” Sagot ko.
“May sasabihin ako pero hindi ko alam kung totoo. Hiwalay na raw si Sir Antonio kay Katie,” nagulat ako sa sinabi ni Jessa.
“Hindi ko lang alam kung totoo. Kalat na rin kasi sa hotel. Pero wala pang confirmation.” Kumunot ang noo ko.
“Paano naman? Kailan lang si
