GIO was looking at me intently as he approached us. Agad akong yumuko at lihim na pinagalitan ang sarili. Hindi ko maintindihan ang disappointment na naramdaman pagkakita sa kaniya. Alam kong kanina lang ay umasa ako na si Walter ang darating para iligtas ako muli.
Ano ba, Loraine! Bakit ka naman pupuntahan ni Walter? Baka nga ni hindi ka na niya naiisip eh! Saway ko sa sarili.
“Sir Gio, mabuti ka pa at pumunta ka dito!” salubong sa kaniya ni Mang Ogie.
“Ano po bang problema ng sasakyan manong?” magalang na tanong ni Gio sa lalaki.
“Sa tingin koy nadiskarga ang battery nito.”
“Ganoon po ba? Subukan po nating gamitin itong battery ng sasakyan ko,” alok ni Gio. Umikot siya sa sasakyan at kumuha ng mga tools. Pagkuway binuksan niya ang hood at may kinalikot doon katulong si Mang Ogie. Na
