Janice's POV
Nang imulat ko ang mga mata ko ay nasa isa akong malinis at magarang kuwarto. Puti at ilang mga white wooden things ang nakikita ko, at dahil sa gintong kulay ng kurtina ay nagmumukha itong classic tingnan. Unang tingin pa lang ay alam ko nang wala ako sa kuwarto namin ni Samael.
Nasaan ako?
Mula sa malaking bintana na nasa harapan ng kama kung saan kitang-kita ko ang madilim nang kalangitan ay napatingin ako sa may pinto nang bumukas iyon. Isang babaeng naka-uniporme na pang kasambahay. Mukha na itong may edad.
Bumangon ako kahit na medyo nahihilo pa ako. Kaagad niya naman akong dinaluhan at inilapag ang tray na dala na naglalaman ng mga pagkain. Pagkalapag niya ng tray sa kama ay inalalayan niya akong umupo. Doon ko lang napansin na iba na ang damit na suot ko. Naka long
