Janice's POV
*Six years ago*
"Janice! Kevin told me that you avoid him tonight."
Pagod na pumikit ako para pakalmahin ang sarili ko bago harapin si Daddy. Kahit na hindi ako sang-ayon sa mga madalas niyang ipinapagawa sa akin o sinasabi ay pinipilit ko pa rin siyang huwag bastusin.
Kagagaling lang namin sa isang birthday party ng isang mayamang negosyante. Hindi naman siya kasosyo ni Daddy pero napakahalaga sa kaniya na naimbitahan ang aming pamilya sa kaarawan ng matanda. Sa sobrang espesyal nito ay dinayo pa talaga ng pamilya namin ang Los Angeles para makadalo.
Si Kevin Hart na tinutukoy ni Daddy ay anak ng isa sa mga negosyanteng dumalo sa party.
Nilapitan niya ako kanina at nagpakilala. Dahil sa pinalaki ako ng magulang ko na marunong makipag-socialise dahil kakailangan ko raw
