Nagyaya si Chona na kumain sa restaurant ng resort. Libre niya raw kaya agad akong sumang-ayon. At isa pa, palagi na lang kaming nagpapa-room service kaya maganda rin siguro na tikman namin ang ibang putahe at kumain sa labas ng kuwarto para makita rin namin ang ganda ng paligid.
Maraming tao sa buffet restaurant na pinasukan namin. Open place ito kaya kita ang lawak ng karagatan sa buong resort.
Isang omelette at fresh orange juice lang ang inorder ko. Hindi ako naghe-heavy breakfast dahil mabigat sa tiyan kung nagta-trabaho kaya maliit na pagkain lang ang kinakain ko.
Magsisimula na sana kaming kumain nang may isang tray ang pumatong sa lamesa. Nagtinginan pa kami ni Chona bago sabay na tingalain ang taong nagpatong nito.
"I'm sorry, can I share with the table?"
Nang i-angat ko ang
