ELUSIVE ME (Scandals & Seduction Series Book 2)

Ako si Dorcas Vega. Katulad ng aking kapatid na si Daphne ay tila isang sumpa ang taglayin ang apelyido ng aming ama. Palagi na lang nakakabit ang isang eskandalo. Ang isang tukso.

Ngunit alam na alam ni Errol Durano Mondego kung paano ako sasagipin mula sa pagkalunod at batid kong may kapalit ang lahat ng iyon. At hindi ko mapapayagan na samantalahin niya ang mga pagkakataon ng aking kahinaan. Hindi ako dapat mahulog sa patibong ng isang Mondego. Hindi kailanman. Kahit na ang kanyang pang-akit ay sapat upang higupin ako palapit sa kanya hanggang tuluyan akong matupok sa init ng kanyang pag-ibig at pagnanasa.

Dapat ko bang iwasan ang lalaking isa sa mga dahilan ng kalungkutan ng aking pamilya? Makatuwiran bang supilin ko ang isang nagbabangong damdamin?

Buhay ng aking ama ang nakataya sa aking magiging pasya…