Isang malakas na sampal ang nagpabiling sa mukha ni Dorcas. Wala siyang nagawa kung hindi haplusin ang namamanhid na pisngi ngunit mas higit ang kirot na nanunuot sa kaniyang kalooban ngayon. Inaasahan na niya ang magiging reaksyon ng kanyang ama nang sabihin niyang magpapakasal siya kay Errol ngunit mas masakit pala kung aktuwal na nangyayari na iyon.
“Rodante, tama na. Ano ka ba? Wala ka na bang gagawin kungdi saktan ang anak mo?” saway ni mommy Elaine habang pigil sa isang braso ang kanyang ama.
“At ano ang gusto mong gawin ko? Matuwa sa kagagahang pinaggagawa niya? Noong una ay nakapatay siya dahil sa kalandian nilang magkaibigan. Ngayon naman ay magpapakasal siya and of all people, sa isang Mondego pa,” nanginginig sa galit na sabi ni Rodante. Tikom ang mga kamao nito. Tila nagbabad
