Ilang minuto ring tiniis ni Dorcas ang iba pang nakagugulat at masasakit na salita na naririnig mula sa usapan ng grupo ni Richmond. Lihim siyang nagpasalamat dahil kahit minsan ay hindi siya tinapunan ni Richmond ng tingin. Sobrang abala ito sa kuwentuhan at sa magandang babaeng kaakbay ganoon din sa madalas na pagtungga ng mamahaling alak.
Nang tumayo si Richmond ay alam na ni Dorcas ang gagawin. Tumayo rin siya at sinundan niya ito. At hindi nga siya nagkamali, dahil sa men’s comfort room ito tumuloy.
Nang makapasok sa loob ng cr si Richmond ay dahan-dahan siyang pumasok habang pinapakiramdaman kung may ibang tao rin sa loob. Napangiti siya nang masigurong sila lang dalawa ni Richmond ang naroroon. Umaayon sa kanya ang mga pagkakataon. Panahon na para maningil.
Nakita niyang nakah
