Habang nasa sala hindi naman mapalagay si Cathy. Nag-aalala siya na baka napalakas ang pagsipa niya sa paa ng binata. Hindi naman talaga niya gustong gawin ‘yon. Gusto niya lang tubusin ang sarili sa pagkapahiya para makatakas na siya rito. Hindi niya kasi akalain na may alam ito sa kanya. Nagpapaka-misteryoso ito sa kanya at hindi niya maitatangging nahuhulog na siya rito. Nagugustuhan na niya ang bawat paghawak, pagyakap at paghalik nito sa kanya.
Hindi na bumaba si Gio kaya tumawid muna siya sa kanila. Sakto namang naabutan niya na nandoon ang mga bata. Nakakatuwa na alam na agad ng mga ito ang gagawin kahit wala siya. Nasanay na rin kasi ang mga itong kumilos sa loob ng bakuran nila.
Bago umuwi inabutan niya ang mga bata ng pera para may pambili ang mga ito ng bigas. “Pasensiya na.
