Chapter 76: Declaration of War!
Throne Hall
Matiwasay at ligtas na nakabalik sa Kastilyo ang dalawa. Mabuti na lang talaga ay matibay ang pisikal na katawan ni Zac Morgan kaya hindi siya nagtamo ng ganoon karaming pinsala sa katawan noong lumipad nang napakabilis ang Hari.
Silang dalawa lang ang nasa loob ng Throne Hall. Tahimik ang paligid kaya rinig na rinig ang malalalim na paghabol ng binata sa kaniyang hininga. Mas maayos naman na ang kalagayan niya dahil sa bawat oras na lumilipas, awtomatiko nang gumagaling ang katawan niya sa mga sugat at pinsala na natamo sa kamay ni Lawrence.
"Haring Alexander, mauuna na muna ako. Magpapahinga ako para mas bumilis ang pag-galing ng katawan ko. At paalala ko nga pala, h'wag ka munang kakain ng mana core sa loob ng tatlong araw. Hayaan mo munan
