Pagbalik namin sa Blaire ay tumakbo kami kaagad patungo sa Blaire Arena kung saan gaganapin ang surprise event or game na isinagawa ng Student Council. Doon ang itinuro ng ilang estudyanteng napagtanungan namin pagtapak namin sa loob ng campus.
Wala na halos tao sa labas dahil oras na rin at mukhang late na kami sa itinakdang oras para sa event. Ngunit pagpasok namin sa Arena, bagama't punong-puno ng tao sa loob at talagang ang malawak na stage lamang sa gitna ang nananatiling bakante, e hindi pa rin nagsisimula ang laro.
Hindi pa ako nakakakurap e may bigla nang humablot sa akin patungo sa bleachers na napakaraming estudyante. Nakiraan kami sa mga dinaanan namin na nag-frown pa sa amin dahil istorbo raw kami, e wala pa naman silang pinapanood. Nang makita naman nilang kasunod ko si Linc
