Isang oras na ang nakalipas at paikot-ikot lang kami sa tubig. Sinubukan na rin namin na dumire-diretso lang at baka marating din namin ang dulo, pero mukhang nasa isang loop kami at pabalik-balik lang kami sa kung saan kami nanggaling.
Nang dahil sa paulit-ulit lang na nakikita ko, inantok na lang din ako dahil sa sobrang inip. Nakadagdag pa sa antok ko ang mga kasama naming babae na tulog na tulog na.
Mukhang napansin ni Lincoln ang hitsura ko na antok na kaya tumabi siya sa 'kin. "You should get some rest, too," aniya at saka niya tinapik ang braso niya upang sabihin sa akin na roon na lang ako mahiga.
Wala pa yatang isang minuto ay bumagsak na ang ulo ko sa kanyang balikat at nakatulog na ako nang mahimbing. However, hindi ko inaasahan na naging malinaw sa akin ang ilang mga tagpi-t
