Nagising ako kinaumagahan na maayos na ang pakiramdam, although mabigat pa rin ang katawan ko. Nagawa kong umupo at pagmasdan si Isla May na magbihis at mag-ayos sa harap ng salamin.
Namilog ang mga mata ko nang mayroon akong biglang naalala. "Ha, ngayon na ang game ni Soren, hindi ba?" natataranta kong tanong ngunit gustuhin ko mang tumalon pababa sa kama at tumayo, hindi kinakaya ng katawan ko.
Pero unlike kagabi, hindi naman na ako giniginaw. Yung mga mata ko ay mainit pa rin ang pakiramdam pero hindi na kasing-bigat ng kagabi. Ang katawan ko rin ay hindi ko pa maigalaw nang maayos, na para bang may mabigat na bagay na nakapasan sa akin.
Tiningnan ako ni Isla May through the mirror. "Sabi ni Soren, magpahinga ka muna. Kaming dalawa ang nagbantay sa 'yo kagabi at nakita niya kung gaan
