Hinatid kami ni Demilyn sa Blaire Hostel na malapit lang sa mga matatayog na gusali ng kanilang dormitoryo. Sa likod nito matatagpuan ang tila abandonadong amusement park.
Nanguna siyang pumasok sa lobby kung saan matatagpuan ang front desk. Kinausap niya lamang ang isang babae roon at pagkatapos ay binigyan siya ng susi. Sumunod kami sa kanya nang umakyat siya sa hagdan hanggang sa marating namin ang ikalawang palapag. Sa ikatlong silid sa kaliwa, binuksan niya ang pinto roon at inabot sa akin ang susi.
"I'll see you around," ani Demilyn at akmang hahakbang na sana paalis nang bigla siyang may maalalang sabihin. "There will be a socialization night in an hour. The venue is at the pavillion nearby. You may come, if you want."
Ngumiti na lamang kami sa kanya hanggang sa tuluyan na siyang
