Hindi na kami nagpalipas pa ng gabi sa bayan ng Miñu. Umayos na rin naman ang pakiramdam ko dahil maghapon akong pinatulog. May kaunting kirot na lang din dahil sa bugbog na sinapit ng pisikal kong katawan at pati na ng aking kaluluwa. Nakaya ko na rin namang tumayo, ngunit kailangan ko lang na kasama parati kung sakaling matumba ako o biglang manlambot ang mga tuhod ko.
Paalis na kami sakay ang tatlong karwahe na sumundo sa amin nang mag-insist ako na magtungo muna sa balon kung saan nangyari ang isang hindi ko malilimutang insidente ng buhay ko, ang pinaka-unang totoong misyon na nagawa ko.
Dahil nagpumilit akong bumalik, wala nang nagawa si Lincoln kung hindi bumuntot sa 'kin since siya at si Sabby ang makakasabay ko sa karwahe. Si Sabby ay abala pa rin sa pakikipag-usap sa mga reside
