At sa kinamalas-malasan ko nga naman, nakasalubong pa namin si Carson habang naglalakad-lakad kaming apat nina Soren, Isla May, at Lincoln. Nangunot ang kanyang noo at nagtaka nang makita si Lincoln sa kanan ko, malamang ay hindi niya inaasahan na nagha-hang out kami.
"How are you?" bungad niya sa akin pero napapansin ko ang mga tingin niya kay Lincoln na parang atat na niyang banggitin ang iniisip niya pero kailangan niya lang ng tiyempo. At syempre, hindi ko siya bibigyan ng opening!
"My body still aches a lot," tugon ko sa kanya at nagkunwaring matamlay, although totoo namang makirot pa rin ang katawan ko. Hindi ko lang napapansin kagabi dahil masyado akong nag-e-enjoy. Hindi ko kasi naranasan iyon noon dahil hindi naman ako pumapasok sa school, at mas lalong wala namang gano'n sa Kar
