Maghapon kaming naglibot-libot sa buong campus ng Blaire at ang apat ang nagsilbi naming tour guides. Pinagtitinginan na nga kami dahil sa kanila pero parang wala lang din silang pakialam kaya isinawalang-bahala na lang din namin ang mga naririnig. Halos mamemorya na namin ang campus nila dahil ilang beses kaming nagpabalik-balik sa magandang parke, hardin, at iba pang mga gusali na pinasyalan namin. Sobrang laki ng Blaire Academy at talagang nakakapagod din, pero dahil kasama ko naman ang dalawang kaibigan ko e masaya naman ako.
Ngunit naputol 'yon nang lumapit ang isang officer ng Student Council kay Lincoln. Pagkatapos ng mahinang usapan nila na hindi rin namin narinig e nagpaalam na sa amin si Lincoln at isinama ang trio.
"May aasikasuhin lang kami. I'll be back at seven," paalam sa
