Pagkatapos ng sandaling pag-uusap namin ay hindi ko na hinayaan pa na ihatid ako ni Riss hanggang sa tapat ng pinto ng apartment namin nila tita. Tama ang mga sinabi niya, oras na rin para tanggapin ko talaga ang nangyari.
"Haa..."
Hindi ko alam kung ilang beses na akong napabuntong hininga. Ang kamay sa aking dibdib na nakalapat ay narito pa rin hanggang sa nasa tapat na ako ng pinto ng aming apartment.
Ibinaba ko lang ang aking kamay nang kuhanin ko sa aking bag ang susi. Bago ako pumasok ay huminga muna ako ng malalim. Alam ko kasi na gising pa ng mga ganitong oras sila Tita. 12:10 am na at sa mga nakaraang buwan ay palagi nila akong hinihintay.
"Lili... sobra na ang abala mo sa kanila."
Sa mga araw na lumipas ay ngayon ako nakaramdam ng matinding hiya. Napabuntong hininga ako. Hin
