"Salamat, Riss. Pero, huwag mo na akong sundan, alam ko na pagod ka rin sa trabaho at hindi naman malapit ang bahay mo dito sa plaza tapos inihahatid mo pa ako sa apartment."
Sinabi ko na sa kaniya na hindi naman niya ako kailangan na gawin ito pero talagang mapilit siya. Ilang beses ko na siyang binawal, sinubukan ko na rin na magalit pero talagang hindi non napatigil si Riss sa pagsunod sa akin dito sa tuwing natatapos ang aking trabaho.
Sa loob ng tatlong buwan na iyon ay bumabalik pa rin ako gabi-gabi at ganoon rin si Riss para naman sunduin ako.
Naiintindihan ko naman ang nararamdaman niya. Ilang beses na rin niya sinabi sa akin na ang kailangan ko na gawin ay tanggapin na lang ang nangyari kay Sancho. Wala na rin kasing naging balita pa sa mga pulis. Tumigil na rin ako na pumunta
