CHAPTER 84
---
HALOS hindi marinig ni Trina ang sinabi sa kaniya ng isa sa mga katiwala ng pamilya Paraiso. Nawawala raw si Johan.
"Ano ho ang sinabi niyo?" tanong niya rito. Pilit kinalma ang sarili sa dalang masamang balita nito sa kaniya.
"Trina, nawawala si Johan!" Nabaling ang tingin ni Trina sa likuran ng katiwala. Si Thunder humahangos na ipaalam sa kaniya ang kanina lang hindi niya magawang paniwalaan na sinabi ni Manang sa kaniya.
"Hindi ko kayo maintindihan! Paanong nawawala ang kapatid ko? Kasama niyo siya ni Gail hindi ba? Paano nawala si Johan?" sari-saring takot at kaba ang siyang naramdaman ni Trina. Binitiwan niya ang mga damit nila ng kapatid at nagmadaling tumakbo pababa. Ayaw niyang maniwala sa mga sinabi ng mga ito--- nandoon lang si Johan. Nasa baba lang ang kap
