KABANATA XXXVI
"KANINA ka pa tahimik," ani ni Kidlat kay Trina, mula kasi nang matapos ang pagtitipon-tipon nila sa resort kasama si Chandra, Nica, Thunder at Gail. Tahimik na siya.
Pauwi na silang dalawa sa mansyon, pagkatapos nilang pagmasdan ang papalubog ng araw nagpasya na silang umuwing lahat. Ganoon din ang mag-ina, pagkatapos tanggapin ng mga ito ang imbistasyon ni Thunder na mag-lunch sa kanila isa sa mga araw na ito.
Ayaw pa sana ni Nica, pero wala ring nagawa ang ginang. Pumayag na rin ito hindi naglaon. Hindi na nagawang tanggihan si Thunder, kahit ito lang ang unang beses na nakita nila ito.
"May iniisip lang ako," sagot niya rito. Ilang beses na ba siyang nagtangkang sabihin kay Kidlat ang tungkol sa pamilya niya? Nawawalan lang siya ng lakas ng loob dahil sa hindi
