CHAPTER 57
UMAGA na pero hindi pa rin nagkakaroon ng malay tao si Johan. Labis na ang pag-aalalang nararamdaman ni Trina. Halos hindi rin siya nakatulog magdamag, ganoon din si Kidlat. Hindi pa rin nawawala ang takot na nararamdaman niya, ganoon din ang lungkot niya. Lalo pa't nagpaalam ding uuwi muna si Kidlat--- ayaw niya man sanang umuwi ito wala na siyang magagawa pa. Alam niyang kailangan din nitong magpahinga sa magdamag na pagbabantay nila kay Johan.
Napatayo si Trina dahil sa pinong katok sa dahon ng pinto. Pagtataka ang una niyang nararamdaman kung bakit kailangan pang kumatok ng tao sa labas kung si Kidlat ito? Isang lingon pa ang siyang pinakawalan ni Trina kay Johan bago buksan at sinuhin kung sino ang bagong dating.
"Trina Vasquez po?" tanong ng isang lalaking nakatayo sa
