DAHAN-DAHANG iminulat ni Alessandra ang kanyang mga mata. Tumuon ang paningin niya sa kulay berdeng kisame na may maliliit na desinyong dahon. Iginala niya ang kanyang mga mata sa paligid. Murang berde ang pinakanangingibabaw na kulay roon kasama na ang kulay ng dingding, ng kurtina, at ng iba pang kagamitan roon. Napakalawak ng silid na kinaroroonan niya. Elegante iyon at tila mamahalin.
Nasaan ako?
Naagaw ang atensiyon niya nang tunog ng papabukas na pinto. Bumungad doon ang isang ginang na humihimig pa. Natigilan ito ng makita siya.“William! William!” sigaw nito. “Gising na siya! William!”
Narinig niya ang nagmamadaling yabag na paparating. Hanggang sa lumitaw sa pintuan ang isang matangkad at sa tingin ng dalaga ay ang pinakaguwapong lalaki na na
