HABANG nakatunghay kay Alessandra, hindi napigilan ni William na alalahanin ang dahilan kung bakit narito sila ngayon ni Alessandra sa sitwasyong ito…
Isang tapik sa balikat ni William ang nagpagising sa kanya. Agad tumuwid ang kanyang likod sabay lingon sa kanyang likuran. Dalawang babae ang kanyang nakita na parehong nakasuot ng hapit na pantalong maong at leather jacket. Ang mga buhok ay parehong maayos na nakasalapid at amg mga kamay ay nababalutan ng leather gloves. Subalit hindi niya makita ang mukha ng mga ito dahil nakasuot ang mga ito ng magarang maskara—iyong mga maskara na ginagamit sa pag-attend sa mga masquerade ball. “Sino kayo?”Tumayo siya. Parehong matangkad ang dalawa, bagama’t mas matangkad pa rin ang isa na napansin niyang may bitbit na briefcase na may kal
