“HHMM,” ungol ni Alessandra nang bumalik ang diwa niya. Ang pumupuno sa ilong niya ang swabeng amoy na napakasarap langhapin, gayundin ang init ng katawan na katabi niya. Nakangiting nagmulat siya ng mga mata. Isang pares ng kulay dark brown na mga mata ang masuyong nakatunghay sa kanya. “Tinupad mo ang pangako mo, ikaw nga ang una kong namulatan,” nagagalak na sabi niya sa namamalat na boses. “At kaya pala pakiramdam ko ay matutunaw na ako, nakatitig ka pala.” Hindi lamang basta nakatitig si William, nakasungaw sa mga mata nito ang pagmamahal na kapareho ng ibinubulong ng puso niya.
Tumawa si William. “Good morning, sweetheart.” Dinampian nito ng halik ang ulo niya. “Kumusta ang pakiramdam mo?”
“Surprisingly, magaan ang pakiramdam ko. I mean, kahit alam ko na may
