Six months later
MALAWAK ang ngiti ang nakaguhit sa labi ni William. Sa mga mata ay nanunungaw ang pagmamahal. Sa kanyang puso naman ay naghuhumiyaw ang pagmamahal. Ang lahat ng iyon ay para sa babaeng nasa garden at abala sa paglilipat ng mga namumulaklak na halaman sa paso. Ang makita lang talaga si Alessandra ay labis na kagalakan na ang hatid sa kanya. Ni hindi siya nagsasawa na pagmasdan ang asawa. Asawa, yeah right. Sanay na agad siya sa sitwasyon nila bilang mag-asawa. Hindi siya makapaniwala kung papaanong napakainosente ni Alessandra; sa kilos at sa pananalita. Napakalambot nito, punong-puno ng pagmamahal. Wala sino man ang mag-aakala sa tunay na katauhan nito, na isa itong delikadong tao at balewala ang kumitil ng buhay.
Funny, pero ngayon nauunawaan na
