“MAGANDANG gabi po!” nakangiting bati sa kanila ng lalaki na nagbabantay sa entrance ng court.
Napangiti din naman pabalik si Claudette at pilit na kumalas mula sa pagkakayapos sa kanya ni Raphael. Nang matapos kasi silang magharutan ay nakapagpasya na rin silang pumasok sa loob ng court.
Pero mukhang hindi pa rin tapos si Raphael sa kanya dahil imbes na hayaang makapaglakad siya mag-isa ay hindi siya pinakawalan ng asawa. Patalikod na niyakap ni Raphael si Claudette samantalang ang mga paa naman niya ay nakaapak sa mga paa ni Raphael. Ganoon ang itsura nilang dalawa na hinarap ang bantay sa court.
Dapat ay mahihiya si Claudette pero ewan ba niya at sa mga oras na iyon ay wala man lang ni kaunting hiya na naramdaman si Claudette kahit pa nga ngiting-ngiti na sa kanila ang lalaki. Imbes
