NANG magising si Penelope ay mag-isa na lang siya sa kuwarto. Medyo madilim pa sa paligid. Ang tanging nagbibigay liwanang ay ang lamp shade. Naghikab siya at nag-inat. Nang mapatingin siya sa wall clock ay alas otso na pala ng umaga. Bumangon siya at inayos ang higaan. Nilapitan din niya ang aircon upang patayin ito. Saka niya tinungo ang bintana. Nang ililis niya ang kurtina ay napansin na ang sikat ng araw. Makapal pala ang mga kurtina kaya hindi tumatagos ang liwanag mula sa labas.
Akmang itatali niya ang kurtina nang biglang bumukas ang pinto. Biglang pumasok si Ulysses.
“Hi! Good morning!” bati nito sa kanya. Kinapa nito ang switch ng ilaw. Lumiwanag ang buong kuwarto.
Napansin niyang nakabihis na ito. Medyo basa rin ang buhok nito.
“Good morning!” ganting tugon ni Penelope. “Puw
