PAGPASOK pa lang ni Penelope sa restaurant ay masaya siyang binati ng sekyu maging ng maître d’ hotel. Espesyal ang atensyon na ibinigay sa kanya. Hindi na nakapagtataka iyon dahil nagtatrabaho siya sa Glorious Hotel kung saan makikita ang restaurant. Siya ang front desk supervisor ng pang-umagang shift.
Pagkaupo ni Penelope sa mesang nakalaan sa kanya ay nabungaran niya ang isang basket ng bulaklak. Kulay pula ang lahat ng rosas na nasa basket maliban sa isang nasa gitna na kulay puti. Akmang hahawakan niya ang puting rosas nang biglang may magsalita sa tabi niya.
“Sori, nahuli ako ng dating,” sabi ni Ulysses. Hinagkan siya nito sa pisngi saka umupo sa katapat niyang upuan.
“Ah, lagi
