Natulala siya habang maang na nakatitig kay Warrick. Gusto nitong magpakasal sila? “May sakit ka ba? O baka lasing ka.” Inamoy ang hininga nito pero di naman matapang ang amoy ng alak sa hininga nito. “You must be deranged, Warrick. Actually, weird na ang mga ikinikilos mo mula kahapon pa. Una, niyaya mo akong samahan ka sa party. Ngayon naman gusto mo akong pakasalan. Gusto mo bang magpatawag na tayo ng psychologist para tingnan kung may tama ka na? Hindi ka ba nilalagnat sa mga sinasabi mo?”
Huminga ito ng malalim at may inilabas na kahita sa bulsa nito. “Gusto ko sanang mag-propose sa iyo sa harap ng maraming tao kanina sa party matapos kong magbigay ng speech bilang isa sa principal sponsors ng fundraiser. Pero dahil sa nangyaring gulo kay Ludwig, hindi na iyon natuloy.” Binuksan nito
