“Sabi ni nanay malandi raw ang Mama mo” ani Mhaezel, kaklase ko noong Grade 4.
Nabanggit sa akin ni Daddy na may mga kapatid daw ako. Palagi niyang ikinukwento na noong kasing edad ko raw sila ay palagi siyang pinapatawag sa school, hindi dahil nakipag-away ang mga kapatid ko kundi upang samahan sila sa pagbibigay ng parangal, honor students daw sila. Nang marinig iyon ay ginusto ko narin maging honor students. Hindi ko pa sila nakakasama pero nais ko parin maramdaman na may koneksyon kami.
Kadalasang wala akong pakialam sa tinuturo ng guro, basta pumapasok lang ako, nakatatak sa isipan na hindi ko kailangang matutunan lahat ng sinasabi niya, sapat na ang pumasa. Binago ko iyon, nagsikap ako sa pag-aaral sa pag-aasam na magiging proud sila sa akin kapag nagkita kami. Ako ang naging top
