Ibinaba ko ang librong binabasa at tumingin sa kawalan.
Ang bilis ng araw, Christmas break na namin. Si Ruby ay nagbalik na sa Maynila. Ang pamilya naman nila Mavi gayundin ang kay Ria ay nagbakasyon. Ang sabi ni Ria ay sa Tagaytay daw sila pupunta, si Mavi naman ay walang sinabing lugar malamang mamaya o sa isang araw ay magtetext iyon para ipaalam kung saan siya pumunta. Si Eli naman na inaasahan kong makakasama ko sa pagtambay buong Christmas break ay sa Bulacan daw magdadaos ng pasko at kaaalis lang niya kanina. Si Larel ay hindi ko alam, gaya ni Mavi ay hindi parin ito nagtetext o tumatawag pero sanay na ako. Parang kabute ang isang yun e! Bigla nalang sumusulpot tapos mawawala.
Tumayo ako at lumapit sa may bintana ng kwarto ko. Punong-puno na ng Christmas décor ang paligid. Lahat
