"Mauuna na ako. May client call pa ako." malamig na paalam ni Eddie matapos kumain ng kapirasong agahan. Obviously ay napilitan itong harapin si Winston. Si Eggay naman ay hindi na nagisingan ni Cara. Ayon kay Eddie ay maaga itong umalis. Si Eddie lang tuloy ang nakilala ni Winston.
Sa isang hotel nag-stay si Winston pansamantala. Doon nito mas pinili dahil kahit paano ay nahihiya ito sa mga kapatid niya. Naiintindihan naman daw nito na iba ang kultura sa Pilipinas. Baka daw hindi magustuhan ng mga kapatid niya kung titira ito sa kanila. Kahit paano ay lihim na nagpasalamat si Cara. Alam niyang hindi rin magugustuhan ng mga kapatid iyon. Kung siya nga ay halos ayaw makita ng mga ito, ang makita pa nilang magpapatira siya ng lalaki doon?
Naging usapan na nila Winston ang pagpunta nito ng
