"Are you sure its okay?" alanganing tanong ni Judah kay Cara. Natawa tuloy si Cara at napailing. Parang bumalik sila noong panahong ipinakikilala ni Cara si Judah sa ama at kinakabahan ito.
Araw na iyon ng pagharap ulit nila sa pamilya ni Cara. Nakausap na niya ang mga kapatid tungkol sa kanila ni Judah at wala namang naging problema. Tuluyan na rin nilang natanggap ang lahat. Ang issue naman noon tungkol sa video ay tuluyan na ring namatay dahil tuluyan na rin iyong nawalan ng bakas. Salamat dahil nakontrol ni Judah iyon. Nakuha niya ang mga kopya at sinira.
Matapos ilibing ang ama ni Judah isang linggo nang nakararaan ay agad nilang isinet ang pakikiharap nito sa mga kapatid niya. Kahit sinabi ni Cara na nakausap na niya ang mga iyon ay ginusto pa rin ni Judah na harapin sila. Sa huli
