"Eddie!" bulalas ni Cara nang makita ang kapatid sa waiting area ng airport. Hindi niya inaasahang makikita ito doon. Ang tiyahin lang ang nakakaalam sa biglaang paguwi niya dahil ito lang ang sinabihan niya. Ni hindi pa sinasabi ni Cara ang totoong dahilan tungkol doon.
Agad namang nakakuha ng ticket si Cara para makabalik ng Pilipinas. Lihim siyang nagpasalamat sa diyos dahil doon. Hindi na rin siya nagsayang ng sandali. Agad na siyang umalis ng Seoul. Plano niyang umuwi muna para maihatid ang mga gamit. Hindi pa niya alam kung saan nakaburol ang tatay ni Judah. Balak niyang tanungin si Terry tungkol doon. Nasisiguro niyang nakaabot na ang pagkamatay ng tatay ni Judah sa kumpanya nito.
"Ate," nakangiting salubong ni Eddie. Naginit ang puso ni Cara nang makitang wala na ang galit at pai
