“MANONG LITO, nasa bahay po ba ang asawa ko?” usisa ni Raizer. Sinundo siya ng matandang driver sa airport at ngayon ay pauwi na sila.
“Ah…hindi ko po alam kung nakabalik na siya. Umuwi po kasi doon sa bahay nila sa Quezon noong isang linggo. Kanina noong umalis ako ay wala pa siya,” tugon ng driver.
Biglang natahimik si Raizer. Wala pala sa bahay nila si Kaye. Mas malapit ba ang bahay ng nanay ng asawa niya papunta sa trabaho nito?
“Dinala po ba niya iyong Pajero?” tanong ni Raizer.
“Hindi po. Nasa bahay iyong sasakyan,” tugon ng matanda.
Huh? Nagko-commute ba ang asawa niya pagpasok ng trabaho? Imposible yata iyon. O baka naman bumalik ito sa boarding house?
“Nasabi po ba niya kung kailan siya babalik ng bahay?” muling usisa ni Raizer.
“Ang sabi po ni Aura, uuwi daw si Ma’am k
