DAVE ARISTON POV
ILANG linggo pa ang lumipas, pero pakiramdam ko ilang taon na iyon. Hindi ako makausad dahil sa mga pagsubok na kinakaharap ko ngayon. Na wala akong puwedeng sisihin kun'di ang sarili ko rin. Sana hindi na lang ako umalis, sana nakuntento na lang ako dito sa Pilipinas. Kung alam ko lang na dahil sa project na iyon masisira ang lahat sana hindi na ako tumuloy.
Sa isang iglap na-wash out lahat ng pangarap ko, lahat ng plano ko. Dahil sa mga taong makasarili nasira ang buhay ko.
Mabuti na lang din at hindi na bumalik si Jeera matapos itong awayin ni Mommy. Mabuti na rin iyon dahil makakapatay pa ako sa sobrang galit ko.
Dahan-dahan akong bumangon at kinuha sa drawer ang sulat nito. Baliw na yata ako dahil kahit nasasaktan ako sa laman niyon ay gustong-gusto ko pa ring
