ARRIANE'S POV
NASA KALAGITNAAN ako ng meeting pero walang pumapasok sa utak ko. Ang daming gumugulo sa puso't isip ko ngayon. Ilang araw na akong ganito. Hanggang ngayon ay hindi pa kami nagkakausap ni Dave, mula nang mag-usap kami nito noong isang araw sa unit nito.
Hinihintay ko itong kausapin ako dahil hindi ko na kayang matagalan ang ganitong set-up namin. Ang sakit-sakit na sa part ko na parang kumakapit na ako sa lubid na anumang sandali puwede ng mapatid dahilan para mahulog ako. Habang lumilipas ang mga araw nawawala na ako sa focus sa mga ginagawa ko. Pakiramdam ko hindi ko na kilala ang sarili ko.
Matapos ang meeting namin sa accounting department ay lumabas na ako para sana kumain. Sa katapat na restaurant na lamang ako pupunta para malapit lamang. Isang oras lamang ang bre
