Akala ko ay problema ang sasalubong sa amin nang sabay kaming pumasok sa opisina kinabukasan pero hindi naman. Akala ko ay tinanggal na ako sa trabaho o kung ano man pero normal pa naman ang lahat.
Panay ang pag-alis ni Hati. Kung saan siya pumupunta ay hindi ko alam dahil wala naman sa schedule niya. Mukhang personal na lakad iyon.
Sinubukan kong tawagan si Averie ngunit walang sumagot sa linya niya. Oo na’t ang kapal ng mukha kong gawin iyon pero…gusto kong humingi ng tawad sa kanya. Walang masyadong magagawa ang mga sasabihin ko pero gusto ko talagang humingi ng paumanhin dahil alam kong mali ang ginawa ko. Ngunit may mali ba talaga sa pagmamahal? Hindi ko rin alam.
Mabilis na nagdaan ang mga araw. Ni hindi ko na rin namalayan na malapit na pala ang katapusan ng buwan. Sobrang naging
