Akala ko kanina ay aatakihin ako sa puso. Sobrang bilis ng kabog ng dibdib ko na hindi ko man lang natugunan ang sinabi niyang iyon.
Hindi ko maitago ang pamumula ng mukha ko at ang malawak kong pagngiti dahil sa tatlong salitang iyon ni Hati. Paulit-ulit ko pang binasa dahil iniisip ko na baka…nanaginip lang ako.
Pagulong-gulo ako sa aking kama habang binabasa pa ang mensahe ni Hati. Sinasabi ko pa sa sarili na huling beses ko nang titingnan pero nasusundan pa nang maraming beses. Para akong naadik doon na gusto kong ipa-tarpaulin.
Tumayo ako mula sa pagkakahiga at nagtatalon. Para tuloy bagong taon ngayon.
Nang sumapit ang gabi’y umasa ako sa mga salitang sinabi niya sa akin, na tatawagan niya ako ano mang oras ngayon. Panay ang pagtingin ko sa aking cellphone para rin malaman kung n
