“Kill.You”
Humalakhak ito sa kanyang banta. Sinubukan nitong idampi ang kanyang mga daliri sa pisngi ni Vittoria na siyang ibinaling niya sa kanyang kanan upang hindi nito siya mahawakan.
“Gusto mong subukan? Sige pagbibigyan kita. Sa loob ng isang minuto, subukan mo akong patayin gamit ang iyong kakayahan… ” Lumayo ng isang metro si Franco at itinaas ang kanyang kamay na parang sumusuko ito.
“Hindi ako gagalaw sa aking pwesto. Hindi ako manlalaban, sa loob ng isang minuto,” biglang sumeryoso ang mukha nito at parang hinahamon si Vittoria. Nanahimik si Vittoria. Hindi niya alam kung nagbibiro lamang ito.
“Ano ito? Nagdadalawang-isip ka na naman? Akala ko ba gusto mo akong patayin? Vittoria. Vittoria. Tila manlalambot ang aking puso sa iyong pagdalawang-isip na subukang kitlin ang aking
