Ayan tuloy at tuyo na naman ang aking love life.
Magkasama kami ni Tria sa bahay nila. Nasa may balkonahe habang umiinom ng beer.
Parehas na malungkot ang aming pakiramdam.
Paano kasi kahit na nagdesisyon siyang ituloy ang sa kanila ni Pete ay una pa lang parang wala na.
Kaka-break lang pala ng ex nito at siya. Sa huli ay mukhang magiging rebound or healer ang aking pinsan.
Nakakasawa na rin ang ganoon. Kaya naman hindi ko siya masisisi sa kanyang desisyon na tigilan na ito bago pa maglagay ng malaking sugat sa kanyang puso.
"Nakakalungkot 'no? Lalo na at sanay ka na sa presensya niya," utas niya.
Tumango ako at uminom ng kaunti sa beer na hawak ko. "Miss ko na nga siya eh," amin ko. Ganoon kasi ang nararamdaman ko ngayon.
Natural lang naman kasi nga ay matagal din kaming laging ma
